Ресей ұлттық құрамасының бұрынғы футболшысы енді көкшетаулық ұжымға керек емес
Осы жазғы трансферлік маусымда "Оқжетпес" Сычевты Локомотивке қайта жібергісі келеді. Оған себеп, футболшының жиі жарақаты. Маусымда шабуылшы бір мәрте ғана мергендігімен танылды. Сычевтың орнына клуб басшылығы Ресейдің екі деңгейдегі чемпионатында өнер көрсететін "Тюмень" клубының футболшысы Савинді шақырғалы отыр. 31 жастағы бұл шабуылшы да "Оқжетпеске" бос агент ретінде келмек. Қалай болғанда да, бірінші алтылықтағы орның сақтап қалуға тырысып жүрген Владимир Муханов баптайтын команда бір тәжірбиелі шабуылшы керек-ақ.