"Елімай" клубы кезекті кездесуінде 3 ұпайға қол жеткізді

Жалпы кездесуде жалпы қос команда тарапынан 9 гол соғылды. Тұран сапынан Юрий Перцух, Лука Чермель, Бақдәулет Зұлфықаров ерекшеленсе, қонақ командадан Рамазан Оразов, Роман Мұртазаев, Ғалымжан Кенжебек, Иван Свиридов, Кевин Ролон және Фесу Флакка нәтижелі әрекет тіркеді. 

“Ордабасыдан” кейін кезекті 3 ұпайын қоржынға салған Елімай турнир кестесінде 45 ұпаймен 4 орынға жайғасты. Карпович шәкірттері алдағы турдағы ойын барына қарамастан, еурокубок мәселесін шешті. 

Еуроаймаққа таласта семейліктердің потенциалды қарсыласы атанған “Ақтөбе” теориялық тұрғыдан, жарыстан шығып қалды. Келесі турда ақ-қызылдар чемпиондық жарысында “Қайратпен” иық тіресіп келе жатқан “Астананы” жеңу ықтималдығы өте төмен. Сол себептен, “Елімайды” еурокубокпен құттықтап қоюға болады.