Ең бай команда – «Манчестер Сити»

Аталмыш ұйымдар ұсын­ған дерекке сенсек, футболдан Англияның Премьер-лига­сын­­да күш сынасып жүрген «Манчестер Сити» әлемдегі ең бай команда екен. Аталмыш клубтың әр ойыншысы орта есеппен алғанда жылына 5,2 миллион фунт стерлинг көле­мінде еңбекақы алады. Оған таңдануға болмас. Өйткені бұл команданың қожайыны Біріккен Араб Әмірлігінің аза­­маты, әйгілі «Әбу-Даби Юнай­тед групп» компания­сының басшысы – Мансұр Ибн Зайд әл-Нахайян. Тізгінді араб миллиардері ұстағалы бері «Манчестер Ситидің» қаржылық жағдайы күрт жақ­сарды. Олар бірқатар белді фут­болшылармен келісiм­шарт жасап, бұл күндері қарт құр­лықтағы азулы клубтардың біріне айналды.Екінші орында – АҚШ-тың «Лос-Анджелес Доджерс» командасының бейс­­бол­шылары. Олардың әр ойыншысына 4,86 миллион тиесілі. Үшінші сатыға Ма­дрид­тің «Реалы» табан тіреп тұр. Испания біріншілігінде өнер көрсететін футболшылар 4,718 миллионды қалтаға басады. Сондай-ақ Испания­ның «Барселона» (4,69 мил­лион, футбол), АҚШ-тың «Нью-Йорк Янкис» (4,649 миллион, бейсбол), Италия­ның «Милан» (4,251 миллион, бейсбол), Лос-Анджелес Лей­керс (4,09 миллион, баскет­бол), Англияның «Челси» (4,058 миллион, футбол), Гер­манияның «Бавария» (4.0 мил­лион) және Италияның «Интер» (4,0 миллион, фут­бол) сынды командалары үздік «ондықтың» санатында.