Еуропалықтар назар аудара бастады – Нанидің келуі Қазақстан футболына қалай әсер етпек?
Португалиялық вингер Луиш Нанидің үлкен футболға Қазақстан арқылы оралуы халықаралық спорт басылымдарының қызығушылығын тудырды, деп хабарлайды Aladop.kz.
Португалиялық Apito Final басылымы жұлдызды ойыншының "Ақтөбе" сапындағы келешегі мен бұл трансфердің Қазақстан Премьер лигасынa тигізер әсеріне талдау жасады.
"Манчестер Юнайтед” аңызының жаңа белесі
Мақала авторлары Нанидің мансабындағы зор тәжірибесіне баса назар аударған. Дәл осы себепті, Португалиялық ардагердің Қазақстандағы дебютінен күтілетін нәтиже өте жоғары. Сарапшылардың пікірінше, Нани сияқты ойыншылар үзілістен кейін де өз шеберлігін қайта жаңғыртып, бүкіл команданың және жалпы чемпионаттың дамуына серпін бере алады.
Жеке клубтан биік мақсат
Басылым Наниге деген қызығушылықтың бір ғана клуб шеңберінен шығып кеткенін жазады. Қазіргі таңда бүкіл футбол қауымдастығы мен жанкүйерлер мынадай сұрақтарға жауап іздеуде:
– Нанидің харизмасы мен футболдық интеллекті "Ақтөбеге” жаңа леп бере ме?
– Бұл трансфер Қазақстан лигасының халықаралық деңгейдегі тартымдылығын арттыра ала ма?
Португалиялық мамандар Луиш Наниді команданы алға сүйрейтін қозғалтқыш ретінде көреді. Оның есімі мен тәжірибесі Қазақстан футболының беделін жаңа биікке шығара алады.
Біздің серіктес: FONBET