Фарер аралдары – Қазақстан матчының төрешілері анықталды
УЕФА Ұлттар лигасы аясындағы Фарер аралдары мен Қазақстан құрамалары арасындағы матчқа төрелік ететін арбитрлер бригадасын жариялады. Кездесуде Mальталық және поляк төрешілері жұмыс істейді, деп хабарлайды Aladop.kz.
Қазақстан құрамасы 26 қыркүйекте Ұлттар лигасының жаңа маусымындағы алғашқы матчын Фарер аралдарына қарсы өткізеді.
Қазақстан С дивизионының үшінші тобында Фарер аралдары, Словакия және Молдовамен бірге өнер көрсетеді. Ұлттық құрама алғашқы кездесуін сырт алаңда өткізіп, одан кейін 29 қыркүйекте Словакиямен қонақта ойнайды.
Қазақстан мен Фарер аралдарының қарымта кездесуі 6 қазанда Астанада өтеді. Одан бөлек, Қазақстандықтар 2 қазанда Молдованы қабылдайды.
Айта кетейік, бұл матч Қазақстан құрамасының жаңа бас бапкері Джон ван ’т Схип үшін Ұлттар лигасындағы алғашқы ресми ойындардың бірі болмақ. Нидерланд маманы жазда ұлттық команданың тізгінін қолға алған.
Алғашқы турдағы Фарер аралдары – Қазақстан матчы 26 қыркүйекте өтеді. Қазақстан уақытымен ойынның басталуы 21:00-ге белгіленген.
Төрешілер бригадасы:
- Бас төреші: Ишмаэль Барбара (Мальта)
- Бірінші ассистент: Люк Портелли (Мальта)
- Екінші ассистент: Джеймс Мускат (Мальта)
- Төртінші төреші: Слободан Петрович (Мальта)
- VAR төрешісі: Павел Малец (Польша)
- VAR ассистенті: Бартош Франковский (Польша)
Біздің серіктес: FONBET