Франция ұлттық құрамасының бұрыңғы қорғаушысы Вильям Галлас футболдағы мансабын аяқтады.
37- жастағы футболшы соңғы рет аустралиялық «Перт Глори» клубында өнер көрсеткен. Галлас барлық карьерасында «Кан», «Марсель», «Челси», «Арсенал» және «Тоттенхэм» футбол клубтарында доп тепкен.
Франция ұлттық құрамасы сапына 2002 жылы қабылданып, 2010- шы жылға дейін 84 матчқа қатысып бес рет көзге түскен. 2006 жылғы Әлем чемпионатында күміс жүлде иегері, 2003 жылы Франция жерінде өткен конфедерация кубогының чемпионы.
Галлас "Челси" сапында жүрген кезде екі рет Англия чемпионы атанған.
Ерден Нұрахмет