Футзалдан Қазақстан құрамасының қақпашысы Игита әлем чемпионатының топтық кезеңінде Венесуэлаға қарсы өткен ойын (1:1) жайлы пікір білдірді:
- Әрине, біз қиын кездесу болады деп күткен едік, бірақ мұншалықты қиын болады деп ойламадық. Жалпы, олар сапалы ойын көрсетіп, бізді қатты таңқалдырды. Біз Оңтүстік Америка командаларының жеке шеберлігі мен жеңіске деген ниетінің бар екенін білдік. Бізге тапсырма берілді - біз оны орындадық: яғни топта бірінші орын алдық. Әрине, соңғы секундтарда гол жіберіп алғанымыз өкінішті-ақ, бірақ біз бәрібір бірінші орынды иелендік. Бұл матчтан сабақ алу керек.
Мен өз жұмысымды жақсы орындадым. Маған қысым көп жасалды, бірақ мен қиындықтар болған кезде әрекет еткенді ұнатамын. Жақсы матч болды, бірақ енді келесі қарсылас туралы ойлану керек. Қазақстан мықты команда, біз жеңісті жолды жалғастырамыз.
Біздің серіктес: FONBET