"Интер" өзінің ресми сайтында бас бапкер қызметіне осы уақытқа дейін "Лационы" жаттықтырған Симоне Индзагидің тағайындалғанын жариялады. Маман миландық клубпен екі жылдық келісім-шартқа отырды.
Еске салайық, алдыңғы екі маусымда "Интерді" Антонио Конте баптады. Осы маусымда команда соңғы 10 жылда алғаш рет Италия чемпионы атанды, содан кейін ол клубтан кетіп қалды. Италиялық маман клуб басшылығының трансферге жұмсайтын бюджетті қысқарту туралы шешіміне наразы болған.
Индзаги "Лационы" 2016 жылдан бері жаттықтырып келеді. Оның басшылығымен "бүркіттер" ұзақ уақыттан кейін алғаш рет Чемпиондар Лигасында өнер көрсетті. Өткен маусымда римдік клуб А сериясының турнирлік кестесінде алтыншы орынға ие болды.
Біздің серіктес: FONBET