32 жастағы "Қайраттың" бұрынғы бразилиялық жартылай қорғаушысы Исаэль ESPN-ге берген сұхбатында Қайрат Боранбаевтың сенімсіздігі, қазақстандықтардың татуировкаға реакциясы және ол кеткеннен кейінгі жанкүйерлердің көз жасы туралы айтты.
"2014 жылы Исаэль "Краснодардан" кетіп, жаңа команданың бас бапкері Владимир Вайстың шешімімен Алматының "Қайратына" ауысты. Оның отбасы өзгерістерге қарсы болды, бірақ футболшының өзі бұл сынақты қабылдады.
"Мен Қайратқа ауысқан кезде клуб президенті маған: Мен сенің осында болғаныңды қаламадым. Маған бразилиялықтар ұнамайды, өйткені сендер жұмыс істегенді ұнатпайсыңдар деді. Мен оған мүлдем өзгеше адам екенімді айттым".
Командамен бірге бес маусымда Исаэль екі рет Қазақстан Кубогын және бір рет ел Суперкубогын жеңіп алды.
"Қайрат" менің өмірімді өзгертті және бұл керемет оқиға болды. Біз Еуропа лигасының іріктеу кезеңдерінде ойнадық, мен Андрей Аршавинмен және Анатолий Тимощукпен қатар ойнадым.
Мәдени айырмашылықтарға қарамастан, жартылай қорғаушы мұсылман елінде өмір сүруді ұнататын: "Бірде көшеде полиция қызметкері мені тоқтатып, менің татуировкам уақыт өте келе жоғала ма деп сұрады. Қазақтардың ешқайсысында татуировка болған жоқ".
Соңында ол жанкүйерлердің кумиріне және президенттің досына айналды. "Мен Қайраттан кеткенде, кейбіреулер көз жасына ерік берді", - деп еске алды Исаэль.
Біздің серіктес: FONBET