Исламның тұманды Альбионда алғашқы матчын қашан өткізетіні белгілі болды
Ислам Чесноков келесі аптада жаңа командасына қосылмақ, деп хабарлайды Aladop.kz.
Vesti.kz сайтының мәліметінше Чесноков 12–14 желтоқсан аралығында Шотландияға келіп, жұмыс визасын алады. Осыдан кейін ол клубтың Риккартонда орналасқан жаттығу базасында алғашқы жаттығуларына кіріседі.
"Хартс" Чесноковты Шотландия чемпионатына 2026 жылдың 1 қаңтарынан бастап қана тіркей алады.
Шотландия футбол қауымдастығы бұл трансферді толығымен мақұлдады, бұл шешім – Ұлыбритания Ішкі істер министрлігі шетелдік спортшыларға виза беру кезінде талап етілетін негізгі құжаттардың бірі.
Ислам Чесноковтың жаңа клубтағы алғашқы ойыны 2026 жылдың 03 қаңтарына жоспарлануда. Ол "Тайнкасл" стадионында өтетін "Ливингстонға” қарсы матчта дебют жасауы мүмкін.
Біздің серіктес: FONBET