Испандық мамандар футболдан шеберлік-сыныбын өткізді

 Бұл шараға 14 облыс және Алматы қаласынан 9 және 11 жас аралығындағы 40 дарынды балғын қатысып, испандық мамандардан дәріс алу мүмкіндігіне ие болған. «Балаларға шеберлік-сыныбын өткізудегі басты мақсат – «Барселона» клубының шеберлігін жас қазақстандық футболшыларға көрсету және оларға білікті бапкерлердің әдістемесін үйрету»,-дейді ұйымдастырушылар. «Барселона» клубының жанындағы балалар мен жасөспірімдерді жаттықтыратын «Tactics» фирмасы Африка және Орталық Азия мемлекеттерінде өздерінің бөлімшелерін ашып, жас футболшыларға осы спорт түрінің қыр-сырын үйретуде. Қазақстан футбол федерациясы және Назарбаев орталығының мұрындық болуымен ұйымдастырылған шеберлік-сыныбында айрықша ойын үлігісін көрсеткен командаларға естелік сый-сияпаттар тарту етілген.