26 маусымда Италия құрамасы Еуропа Чемпионатының 1/8 финалында Австрия құрамасымен кездесті. Матч Лондондағы "Уэмбли" стадионында өтіп, 2:1 есебімен аяқталды.
Opta Paolo статистикалық порталы хабарлағандай, Италия өзінің ұлттық рекордын жаңарта отырып, қатарынан 12-ші жеңісіне қол жеткізді. Бұған дейінгі рекорд та (қатарынан 11 жеңіс) 2019 жылы Роберто Манчинидің басшылығымен орнатылған еді.
Сондай-ақ Роберто Манчинидің шәкірттері қатарынан 31 ойында ұтылмады. Кешегі жеңіс 1939 жылы Витторио Поццоның жетекшілігімен орнатылған рекордты жаңартуға мүмкіндік берді.
Естеріңізге сала кетейік, Италия - Австрия матчының негізгі екі таймында гол соғылмаған болатын. Тек экстра-таймның 95-минутында Федерико Кьеза есеп ашты. Ал он минуттан кейін Маттео Пессина есепті еселеді. Австрия да бұл ойыннан голсыз кетпеді. 114-минутта шабуылшы Саша Калайджич есеп айырмасын қысқартты.
Еуро-2020 турнирінің ширек финалына шыққан Италия құрамасы осы кезеңде Бельгия - Португалия жұбының жеңімпазымен кездеседі.
Біздің серіктес: FONBET