Атыраулық ұжым қатарына тағы бір легионерді қосты. Бұл жолы «Атыраудың» жейдесін черногориялық Иван Иванович киді, деп хабарлайды клубтың ресми сайты.
25 жастағы черногориялық спортшы шабуылдаушы жартылай қорғаушы позициясында өнер көрсетеді. «Атырау» оның алғашқы шетелдік командасы, бұған дейін тек өз елінде ойнаған. Дәлірек айтқанда, «Зора», «Джезеро», «ОФК Бар», «Челик» және «Рудар» клубтарының намысын қорғады. Сондай-ақ, Черногория ұлттық құрамасында бір матч өткізген.