«Ордабасы» командасының бас жаттықтырушысы Кахабер Цхададзе өзінің елордалық «Астананың» бапкері болу мүмкіндігі туралы ақпаратқа түсініктеме берді.
- "Ордабасыдағы" жағдайды сипаттап, команданың осы маусымдағы мақсаттары туралы айтып берсеңіз.
- Өткен маусымда біз Еуропа Лигасына жолдама алдық. Алғашқы кезеңде «Торпедоны» жеңіп кеттік. Осы маусымда біз Еуропа лигасына жолдама алу үшін күресеміз. Біз клубқа миллион еуро табыс әкелдік. Әрине, бұл, ең алдымен, футболшылардың, содан кейін жаттықтырушылар құрамының үлкен еңбегі. Екі жылдық жұмыс барысында команда жоғары жетістіктерге қол жеткізді, қазір "Ордабасы" клубын әрқашан биік мақсаттар үшін күресетін команда деп атайды.
- Осындай сәтті жұмыстан кейін сіздің атыңыз «Астанамен» байланысты болуы ғажап емес. Шындығында бұл туралы не айтуға болады?
- Бұл кез-келген бапкер үшін үлкен мәртебе болар еді. "Астана" - қазақстандық футболдың бет-бейнесі, егер мен осы командада болуы мүмкін жаттықтырушылардың қатарында аталсам, тағы бір рет қайталаймын: бұл үлкен мәртебе. Дегенмен, мен сізге осы уақытқа дейін "Астанамен" тікелей байланыста болмағанымды да айтуым керек. Міне, менің сізге берер жауабым осы. "Ордабасымен" келісімшартым 30 қарашада аяқталады, сондықтан кез-келген ұсынысты қарастыруға дайынмын.
- Соның ішінде "Астананың" ұсынысы бар ма?
- Әрине, "Астана" да бар. Мен айтқанымдай, бұл кез-келген жаттықтырушы үшін үлкен мәртебе!
- Сіз Қазақстанда жұмыс істеп жүріп Канкава мен Квеквескиридің ойынын жиі көресіз.
- Джаба - өте мықты ойыншы. Мен сізге нақты айта аламын: оның Қазақстанда ойнайтыны өкінішті! Біз Грузия құрамасына Нико Квеквескириді шақырдық. Соңғы кездері жиі жарақат алып жүр. Оның Грузия құрамасына да үлкен пайдасы тиетініне сенімдімін.
Біздің серіктес: FONBET