«Ордабасы» футбол клубы бас бапкер Кахабер Цхададземен 2020 жылғы маусымның соңында қоштасады.
Ақпарат көзінің хабарлауынша, Цхададзенің командадан кететіні әлдеқашан шешіліп қойған. Ол тіпті Қазақстан чемпионатында екінші орын алса да бұл шешім өзгермейді. Бұған клубтың қаржы директоры (іс жүзінде клубтағы басты адам) Бақтияр Байсейітовпен болған келіспеушіліктер себеп болып отыр.
Айта кетейік, шымкенттік команда 16 ойында 27 ұпай жинап, турнирлік кестеде үшінші орында тұр. Чемпионат көшбасшысы «Қайраттан» 14 ұпай қалып кеткен. Ал екінші орындағы «Астана» (27 ұпай) мен төртінші орындағы «Тобыл» (26 ұпай) «Ордабасыға» қарағанда бір ойын аз өткізген.
«Ордабасы» 16-турға дейін турнирлік кестеде тұрақты орында тұрған. Бір жарым ай бойы жеңілмей жүрген (5 жеңіс, 2 тең ойын). Алайда соңғы турда «Тобылдан» 0:3 есебімен ойсырай ұтылып, жүлдеге таласу мүмкіндігін қиындатып алды.
Біздің серіктес: FONBET