“Қайрат” қатарына жаңа ойыншы келіп қосылды
22.07.2024, 22:33
Алматылық “Қайрат” Егор Сорокинмен келісімге келгенін хабарлады.
Футболшы мен “сары-қаралар” арасындағы келісім 2025 жылдың соңына дейін жарамды.
Егор соңғы рет “Елімай” сапында алаңға шықты. Жалпы алғанда семейлік ұжым үшін ол 12 ойын өткізді.
28 жастағы қорғаушының мансабында “Ақтөбе” клубыда болғанын айта кеткеніміз жөн.
Алматылық клубтың жаңа ойыншысы петерборлық “Зенит” түлегі. Ресейдегі кәсіби мансабында ол “Тосно", "Рубин", "Нефтехимик" және “Краснодар" ұжымдарында доп тепті. Соңғы аталған командада Сорокин чемпионаттың қола жүлдегері атанды.
Егор Ресей құрамасында 1 матч өткізіп үлгерген.