“Қайрат” қысқы оқу-жаттығу жиынына аттануға дайын
Алматылық "Қайрат" алдағы маусымға арналған қысқы дайындық жоспарын жасап, шетелдік оқу-жаттығу жиындарының бағытын анықтады, деп хабарлайды Aladop.kz.
Клуб екі кезеңді шетелдік жиын өткізуді жоспарлап отыр.
Дикая пуля телеграм арнасының мәліметінше "Қайраттың” дайындығы төмендегідей өтеді:
1. Ақпан – Дубай (БАӘ)
Алғашқы жиын Біріккен Араб Әмірліктерінде өтеді. Бұл кезең — ойыншылардың физикалық формасын біртіндеп қалпына келтіруге бағытталған базалық жаттығулар.
Дубай таңдалуы бекер емес. Ауа райы қолайлы, жоғары санаттағы спорт инфрақұрылымы бар, әлемнің үздік клубтары жиі таңдайтын локация.
2. Екінші кезең – Түркия, Белек
Дубайдағы дайындықтан кейін команда дәстүрлі Белекке аттанады. Мұнда тактика мен жолдастық матчтарға басымдық беруге бағытталады. Түркия — ТМД елдері клубтары жиі жиналатын аймақ, сонымен қатар сапалы қарсыластар табуға да ыңғайлы.
Екі елде жиын өткізу — арзан жоба емес. Әсіресе Дубайдағы кезең клубтан айтарлықтай бюджет талап етеді.
Бұл шешім "Қайраттың” қаржылық жағдайы жақсы екенін, клубтың мақсаттарының жоғары екенін, дайындықты ең сапалы деңгейде өткізгісі келетінін айқын көрсетеді.
Біздің серіктес: FONBET