Қайрат Нұрдәулетов? «Ақтөбе» бас бапкеріне байланысты таңдау жасады

Айта кетейік, Беларусь бапкері осыған дейін бас бапкер міндетін атқарушы болып келген – Левчуктің жаттықтыруымен «қызыл ақтар» қатарынан үш ойында жеңіске жетті (Ұлытауды 1:0, Жеңісті 1:0 және Елімайды 1:0). Шамасы осындай сәтті сериядан кейін клуб басшылығының таңдауы осындай болып отыр. Әйтпесе, Вячеслав Левчукке белгілі бір мерзімге ғана сынақ уақыты берілгені мәлім. Игорь Леоновтан кейінгі ауыс-түйісте «Ақтөбені» жаттықтырған шетелдік маман осылайша ҚПЛ-дегі топ-команданың толыққанды жаттықтырушысы атанып отыр.

Вячеслав Левчук, «Елімайға» қарсы ойыннан кейін айтқаны;

«Алаңдағы атмосфера феноменалды болды, Бүгін соған толық көзім жетіп отыр. Жанкүйерлер, фанаттар мен футболсүйер қауым бізді матчтың басынан соңғы секундына дейін қамшылаған , ал мұндайда эмоциясыз немесе жаман ойын көрсету мүмкін емес. Осы үшін үлкен алғыс!».

Беларусь бапкері енді ештеңеге алаңдамай, команданы алдағы ойындарға дайындамақ. Естеріңізде болса, осыған дейін біраз БАҚ-та «Ақтөбеге» Қайрат Нұрдәулетов келуі мүмкін деген ақпарат тараған. «Ертістен» аяқ-асты кеткен қазақстандық маманды көпшілік осы клубпен байланыстырған болатын. Бірақ бүгін белгілі болғандай «Ақтөбе» басшылығы Беларусь бапкеріне сенім артуды жөн көріпті.

«Ақтөбе» ҚПЛ-дің 8-турынан кейін 19 ұпаймен екінші орынға табан тіреді. Келесі матчта 17-мамырда «Оқжетпеспен» кездеседі.