"Қайраттың" жаңа бапкеріне биік мақсаттар қойылады
29.05.2024, 17:56
Бүгін алматылық "Қайраттың" тізгінін Александр Кержаков ұстады
Александр Кержаков "Қайрат" ФК бас бапкері
Біраз уақыт бас бапкерді таңдауға жұмсаған алматылықтар енді ел біріншілігін ұтуды көздеуде. Бұл туралы клубтың медиа-офицері Арман Жақсығұлов мәлімдеген болатын.
"Бүгін Александр Анатолиұлы командаға таныстырылды. Бүгінгі кеште ол клубтағы алғашқы жаттығуын өткізеді. Клубтың алдында әдеттегідей ең жоғары мақсаттар тұр - ел чемпионаты мен Лига Кубогінде топ жару",- деді Арман Жақсығұлов.
Айта кетейік, осыған дейін команданы Рафаэль Уразбахтин жаттықтырып келген. Ол қызметінен кеткен Кирилл Кекерді алмастырған болатын. Алматылық клуб қазір ҚПЛ-де 15 ұпаймен 3-сатыда келеді. Лига Кубогіндегі бірінші кездесуінде "Ақжайықты" аяған жоқ - 9:0.