Каннавароның алғашқы жеңілісі: Өзбекстан Уругвайдан ұтылды
Өзбекстан құрамасы Италиялық маман Фабио Каннавароның басшылығымен алғашқы жеңілісіне ұшырады. Малайзияның Мелака қаласында өткен жолдастық кездесуде олар әлемнің мықты құрамаларының бірі — Уругваймен кездесті.
Кездесу "Ханг Джебат" стадионында өтті. Бірінші таймда қос құрама да сақ ойнап, қорғанысқа басымдық берді. Алайда үзілістен кейін Марсело Бьелса жаттықтыратын Уругвай қарқынын күшейтті.
51-минутта Факундо Торрес есеп ашты, ал он минуттан соң Хуан Санабрия әріптесі Федерико Виньястың тамаша пасынан кейін есепті 2:0-ге жеткізді.
Дегенмен, Өзбекстан құрамасы берілмеді. 82-минутта ойынға қосылған Русланбек Жиянов Хусайн Норчаевтың дәл пасынан кейін есепті қысқартты — 1:2. Матч соңында Өзбектер бірнеше қауіпті сәт тудырғанымен, таразы басын теңестіре алмады.
Ойыннан кейін бас бапкер Фабио Каннаваро шәкірттеріне риза екенін жеткізді:
"Мұндай қарсыластармен ойын – біздің команда үшін өте құнды тәжірибе. Бұл матчтар болашаққа бағыт береді және бізді нығайтады." – деді ол.
Команданың негізгі ойыншылары — Элдор Шомуродов, Акмал Мозговой және Азизжон Ғаниев белсенді әрекет етті. Ал алаңға соңынан шыққан Жиянов пен Норчаевтың өзара үйлесімі жанкүйерлер мен сарапшылар тарапынан жоғары бағаланды.
Мамандардың пікірінше, Өзбекстан тек есеппен емес, ойын сапасымен және командалық ұйымшылдығымен көзге түсті.
Біздің серіктес: FONBET