Футболдан Ресей құрамының бас бапкері Фабио Капелло Қазақстанға қарсы жолдастық кездесуді неге өткізіп жатқанын айтты, деп хабарлайды «PROСПОРТ».
«31 наурыздағы Қазақстан құрамасына қарсы кездесуге келер болсақ, Черногориямен ойыннан кейін команданың бірнеше ойыншысын қайтарамын. Олардың орнын жас футболшылар жабады, соларды алаңда бақылап көрмекпін. Матчты өткізу себебіміз де осы», - деді италиялық маман.
Естеріңізге сала кетсек, Қазақстан құрамасы 31 наурыздағы Ресейге қарсы жолдастық кездесуден бұрын 28 наурызда Еуропа чемпионатының іріктеу кезеңінде Исландия құрамасын қабылдайды.
«PROСПОРТ» сайтынан