"Реал Мадрид" клубының президенті Флорентино Перес сұхбат беру үшін журналистерді шақырды.
Сонымен Карло Анчелоттидің командадан кететіні ресми расталды. Бұл туралы Перестың өзі мәлімдеді. Клубтың италяндық бапкердің қызметіне мұқтаж еместігін мәлімдеді. Басты себеп, "корольдік клубтың" осы маусымда жүлдесіз қалуы екен.
"Карло Анчелоттидің отставкаға кететінін хабарлаймын. Бұл шешімді қабылдау біз үшін қиынға соқты. Реалдың жаттықтырушыға қоятын талабы зор, бізге әр турнирде жеңіс керек"
Анчелоттидің баптауымен команда былтыр көптен күткен Чемпиондар Лигасының финалына қол жеткізген еді.