Қазақстан Еуро-2025 турнирінің іріктеу кезеңінің алғашқы ойынын жеңіліспен бастады

Футболдан Қазақстанның Әйелдер құрамасы Еуропа чемпионатының іріктеу кезеңінде өз қарсыласынан басым түсе алмады.

Алматыда өткен кездесуде біздің бұрымдылар Болгарияны қабылдап, 1:0 есебімен жеңілді. Матчтың тағдыры шешілген гол 45+5’ минутта соғылды. Гол авторы - Симона Петкова. Айтпақшы, ойын барысында болгар қыздары пенальтиден гол соға алмады. Ивана Найденова 11-метрлік нүктеден мүлт кетті.

Топтық кезеңде ел құрамасы Болгариядан бөлек, Румыния мен Арменияға қарсы ойындар өткізеді. Матчтар сәуір мен шілде аралығында ойнатылады. 

Квартетте жеңімпаз бен екінші орын алған командалар Швейцарияда өтетін Еуропа чемпионатының плей-офф кезеңіне жолдама алады.