Қазақстан Ресейдің Еуропалық футболға оралуын қолдады
УЕФА-ның соңғы атқару комитеті отырысында үлкен резонанс тудырған тақырып талқыланды – Ресейдің Еуропалық футболға толық қайтарылуы. Бұл мәселе Еуропаның спорт қауымдастығын екіге бөлді.
Ресми ақпаратқа сәйкес, жеті ел Ресейдің футболдағы орнын қайта қалпына келтіруді ашық түрде қолдады. Бұл тізімге Болгария, Сербия, Босния, Грекия, Венгрия, Қазақстан және Әзербайжан кірді.
Бұған қоса, Швеция, Норвегия және Финляндия алғаш рет Ресейдің Еуропалық турнирлерге оралу мүмкіндігін талқылауға дайын екендерін білдірді.
Сонымен қатар Чехия, Испания, Португалия, Швейцария, Словакия, Словения және Италия да бұл тақырыпты қарастыруға дайын екенін айтты, бірақ шешімді тек УЕФА-ның рұқсатымен қабылдауды ұсынды.
Ал қарсы тарап та аз емес. Украина, Польша, Латвия, Литва, Эстония, Дания, Франция, Германия, Нидерланд, Бельгия, Англия, Ирландия, Шотландия және Исландия Ресейдің футболға оралуына қатаң қарсы екенін мәлімдеді. Әсіресе Польша мен Балтық елдері Ресейді УЕФА-дан толықтай шығару талабын қойып отыр.
Біздің серіктес: FONBET