Албания астанасы Тиранада өткен УЕФА атқару комитетінің отырысында Ресей клубтары мен құрамаларын еуропалық турнирлерге қайта қосу мүмкіндігі талқыланды.
Қолданыстағы шектеулерді жұмсартуды қолдайтындар қатарында Скандинавия елдері бар. Швеция, Финляндия және Норвегия әйелдер және жастар құрамаларын қайтаруға рұқсат беруге дайын. Егер Украинадағы қақтығысқа байланысты саяси жағдай өзгеріп, тараптар бейбіт келісімге келсе, бұл қадам жыл соңына дейін жүзеге асуы мүмкін. Португалия, Испания, Италия, Швейцария, Словакия, Словения және Чехия да УЕФА-ның келісімі болса, осы нұсқаны талқылауға дайын. Болгария, Сербия, Босния және Герцеговина, Грекия, Венгрия, Қазақстан мен Әзербайжан Ресейдің толыққанды қайта оралуын қолдайды.
Ал қарсы дауыс бергендердің қатарында Польша, Латвия, Литва, Эстония, Украина, сондай-ақ Франция, Германия, Нидерланд, Дания, Бельгия, Англия, Ирландия, Шотландия және Исландия бар. Әсіресе, Польша мен Балтық елдерінің ұстанымы қатал.
Аталған мәселеге қатысты түпкілікті шешім 2026 жылғы 12 ақпанда Брюссельде өтетін УЕФА Конгресінде қабылданады.
Біздің серіктес: FONBET