Қазақстан УЕФА рейтингінде алғаш рет көтерілді
Алматылық «Қайраттың» Чемпиондар Лигасының үшінші іріктеу кезеңіндегі братиславалық «Слованды» жеңуі жаңартылған УЕФА рейтингісіне де әсерін тигізді.
Еурокубоктағы қазақстандық клубтардың өнер көрсетуінің арқасында еліміздің УЕФА коэффициенттер кестесіндегі орны жақсарды. 7 тамыздағы соңғы рейтинг жаңартуы бойынша, Қазақстан 37-орынға көтеріліп, Босния және Герцеговина мен Косоводан озып кетті.
Бұл жетістікке негізгі үлесті алматылық «Қайраттың» өз алаңында «Слованды» 1:0 есебімен жеңуі қосты. Бұл нәтиже ел қоржынына қосымша ұпай әкеліп, 2025/26 маусымдағы жалпы коэффициентті 1.625-ке жеткізді.
Қазір Қазақстанның рейтингтегі ұпайы – 11.750. «Қайраттан» бөлек, турнирге астаналық «Астана» да қатысуда. Олар швейцариялық «Лозаннамен» кездесіп, сырт алаңда 1:3 есебімен ұтылды.
Біздің серіктес: FONBET