Қазақстан - Уэльс матчына сараптама. Елордада үш ұпайға қол жеткізе аламыз ба?

Уэльстің жағдайы:

Крэйг Белламидің шәкірттері іріктеуді жақсы бастады. Ұлттар лигасының жоғарғы дивизионына көтерілгеннен кейін, олар алғашқы төрт ойында жеті ұпай жинады. Қазір Валлийлер он гол соғып, топтағы ең нәтижелі команда болып отыр.

Алдымен Қазақстанды Кардиффте 3:1 есебімен жеңді, кейін Солтүстік Македониямен сырт алаңда тең түсіп (1:1), Лихтенштейнді 3:0 есебімен жеңді. Соңғы турда Бельгиямен тартысты матч өткізіп, үш гол соққанымен, Де Брюйненің соңғы соққысынан кейін 3:4 есебімен ұтылып қалды.

Белламидің тоғыз ойындық жеңіліссіз сериясы үзілгенімен, Уэльс турнир кестесінде екінші орында тұр, көшбасшы Солтүстік Македониядан небәрі бір ұпайға қалып келеді. Алайда Бельгияның екі ойыны кем екенін ескерген жөн.

Сырт алаңдағы ойында қиындықтары бар, соңғы 14 сапарында олар тек екі рет жеңіске жеткен. Сондықтан Астанаға ұзақ сапар алдында Уэльске үш ұпай өте қажет.

Қазақстанның жағдайы:

Құрлықтық рейтингте 114-орында тұрған Қазақстан құрамасы Уэльстен 83 саты төмен. Іріктеуде үш ойында үш гол соқты. Кардиффтегі 1:3 есебінен кейін, өз алаңында Лихтенштейнді 2:0 есебімен ұтты, бірақ Солтүстік Македониядан 0:1 есебімен жеңілді.

Али Алиевтің командасы соңғы 16 ойында тек үш рет жеңіске жеткен, оның бірі Кюрасаомен жолдастық матч. Әлем чемпионатының іріктеуінде соңғы рет өз алаңында жеңіске жеткеніне 12 жылдан асып кетті. Бұл алда тұрған тапсырманың қаншалықты қиын екенін көрсетеді.

Құрамдағы жағдай:

Қазақстан құрамасы үшін негізгі шығын бұрыңғы капитан Асхат Тағыбергеннің болмауы. Ол Кардиффтегі ойында пенальтиден гол соққанымен, кейін ұлттық құрамадан кеткен. Сонымен қатар "Қайраттың” қақпашысы Александр Заруцкий жарақатына байланысты матчқа қатыспайды. Оның орнына "Астана” қақпашысы Мұхаммеджан Сейсен алаңға шығуы ықтимал.

Уэльс сапында капитан Аарон Рэмзи бұл жолы жоқ. Сондай-ақ қақпашы Дэнни Уорд пен жартылай қорғаушы Итан Ампаду да жарақатына байланысты алаңға шықпайды. Бірақ шабуыл шебінде "Фулхэм” ойыншысы Гарри Уилсон (Белламидің тұсында 6 гол соққан) мен Бреннан Джонсон негізгі күш болмақ.

Аладоп болжамы:

Қазақстан құрамасы өз алаңында мінез көрсеткісі келері анық. Дегенмен Уэльстің шабуылдағы әлеуеті жоғары, тәжірибесі айқын артық. Бірақ өз алаңымызда жеңеміз деп үміттенеміз. Есеп: 2:1 немесе 1:0.