Қазақстандық футболшы «Челсидің» қаралымында жүр
Қазақстан жасөспірімдер құрамасы мен «Қайраттың» футболшысы Дастан Сәтпаев «Челсиде» қаралымнан өтуде.
Жас спортшы жасөспірімдер Чемпиондар лигасындағы «Бетис» - «Қайрат» кездесуінде еуропалық біраз скауттардың назарына ілінген болатын.
«Дастан Сәтпаев өзім тамашалаған Чемпиондар лигасының «Бетис» пен «Қайраттың» арасындағы ойында қатты назарым ауған ойыншы болды. Өткен матчта, оның барлық ерекшеліктері мен «Бетистың» ойын басымдығын ескере отырып, Сәтпаев алаңдағы шеберлігімен ерекшелене алды. Дұрыс жұмыс істеген жағдайда, оның болашағы жарқын», - деген болатын испаниялық скаут Мануэль Нуньес.
Айта кетейік, Д. Сәтпаев QJ League-ның өткен маусымында ең бағалы ойыншысы атанып, «Қайраттың» негізгі құрамында дебюттік кездесуін өткізді. Лига кубогінің «Ақжайыққа» қарсы бәсекесінде Сәтпаевқа 15 жас 9 ай және 14 күн болған. Бұл көрсеткіш бойынша ол Абзал Бейсебековтің рекордын бұзды.
Біздің серіктес: FONBET