Қазақстандық клубтарға күтпеген жерден миллиондар жауды – Себебі неде?
Алматылық "Қайраттың" Чемпиондар лигасының негізгі кезеңінде өнер көрсетуі отандық футболдың дамуына тікелей қаржылай үлес қосты, деп хабарлайды Aladop.kz.
Қазақстан Премьер лигасының өзге клубтары УЕФА-ның ынтымақтастық төлемдері (solidarity payments) арқасында бюджеттерін едәуір толықтырып алды.
УЕФА ережесі бойынша, Eурокубоктардың негізгі сатысына жолдама алған клуб өз елінің өзге командаларына қаржылай пайда әкеледі. Осы жолы Қазақстанға 5,47 миллион еуро (шамамен 3,25 миллиард теңге) бөлінді.
Бұл қаражаттың үлестірілу тәртібі төмендегідей:
• Қамтылатын клубтар: 2025 жылғы маусымда ҚПЛ-да өнер көрсеткен 13 клуб ("Қайраттан" бөлек).
• Әр клубтың үлесі: Әр командаға 420,7 мың еуро (шамамен 250 миллион теңге) тиесілі.
Бұл қаржы не үшін беріледі?
УЕФА-ның ынтымақтастық төлемдері — Еуропалық футболдағы теңгерімді сақтау тетігі. Бұл қаражат көбіне жастар футболын дамытуға, инфрақұрылымды жақсартуға және академиялардың жұмысын жандандыруға бағытталуы тиіс.
Осылайша, "Қайраттың” халықаралық аренадағы жетістігі бүкіл Қазақстандық футболдың деңгейін көтеруге септігін тигізіп отыр.
Біздің серіктес: FONBET