Қазақстандық маман: Алматылықтар өте маңызды жеңіске жетіп отыр
Белгілі бапкер Болат Есмағамбетов «Жетісу» - «Қайрат» кездесуіне тоқталып, алматылық клубқа жеңіс сыйлаған басты факторлармен бөлісті.
«Қайрат» үшін «Жетісумен» ойындар үнемі қиын өтеді. Алматылықтар өте маңызды жеңіске жетіп отыр. Чемпиондыққа таласамын десе сүрінуге болмайтын еді. Алайда, ойын қонақтар үшін өте сәтсіз басталған болатын. «Жетісу» кездесудің есебін ашқан соң қонақтардың жолы болып, үзіліске дейін таразы басын теңестіре алды. Екінші таймда ойынның қарқыны төмендеп кеткен - алаң иелері есепті сақтап қалуды көздесе, қонақтарға жеңіске жету маңызды болды. «Қайрат» екі добын да стандарттардан салды, оларға нәтиже сыйлаған осы жағдайлар», - деді Болат Есмағамбетов.
Айта кетейік, ҚПЛ-дің 24-турынан кейін «Қайрат» турнирлік кестенің көшін бастады. Алматылық клуб ұпай санын 41-ге жеткізіп, «Ордабасыдан» екі ұпайға озып кетті. Шымкенттік клуб болса кеше күтпеген жерден өз алаңында «Жеңістен» жеңіліп (1:2) екінші сатыға сырғыды.
Біздің серіктес: FONBET