ҚФФ аямады – Түркістандық команда оңбай жазаланды
Қазақстан футбол федерациясының Контрольдік, тәртіптік және этикалық комитеті Бірінші лигадағы шу тудырған жағдайға байланысты шешім шығарды.
2025 жылдың 24 қазанында өткен отырыста Қарағандыда жоспарланған Бірінші лиганың 26-тур ойыны талқыланды. Бұл кездесуде жергілікті "Шахтёр" клубы “Түркістан” командасын қабылдауы тиіс еді. Алайда, “Түркістан” командасы матчқа келмей, ойын өтпей қалған.
ҚФФФ ресми мәліметіне сәйкес, “Түркістан” клубы регламенттің 6.39-тармағын бұзған деп танылды. Осыған байланысты:
- Командаға техникалық жеңіліс (0:3) тіркелді,
- Клубқа 150 айлық есептік көрсеткіш (589 800 теңге) көлемінде айыппұл салынды,
- Айыппұлды 2025 жылдың 24 қарашасына дейін төлеу міндеттелді.
Бұл шешім ҚФФ тарапынан қатаң тәртіпті сақтау қажеттігін тағы бір еске салды. Бірінші лигадағы осындай жағдайлар чемпионаттың беделіне нұқсан келтіретіні анық. Сондықтан Федерация мұндай әрекеттерге нөлдік төзімділік саясатын ұстанып отыр.
Біздің серіктес: FONBET