“Хартс” бапкерінің мәлімдемесі – Чесноковтың келуі, жаңа трансферлер және командадағы ахуал
Шотландиялық "Хартс" клубының бас бапкері Дерек Макиннес алдағы "Хибернианға" қарсы матч қарсаңында баспасөз өкілдерімен кездесіп, командадағы маңызды өзгерістер мен трансферлік жоспарлар туралы айтты, деп хабарлайды Aladop.kz.
"Хартc” жетекшісі сенбі күні өтетін маңызды ойын алдында клубтың ішкі жағдайы мен жанкүйерлерді қызықтырған сұрақтарға жауап берді.
Ислам Чесноков қашан алаңға шығады?
Бапкердің айтуынша, Қазақстан ұлттық құрамасының ойыншысы Ислам Чесноковқа қатысты жұмыстар жоспар бойынша жүріп жатыр.
Егер бәрі сәтті болса, Чесноков 3 қаңтарда өтетін "Ливингстонға" қарсы үйдегі матчта құрамға қосылуы мүмкін.
"Бұл мерзімге үлгеру оңай шаруа емес, бірақ біз соған барынша күш салып жатырмыз.” — деді Макиннес.
Трансферлік қауесеттер: Хорхе Алтена
Нидерландылық қорғаушы Хорхе Алтенаға қатысты қызығушылық туралы сұраққа бапкер нақты жауап бермеді. Ол ресми келісімшарт жасалмайынша, кез келген ойыншы туралы пікір білдіру қиын екенін жеткізді.
Киім ауыстыру бөлмесіндегі ахуал
Макиннес қазіргі құрамның кәсіби деңгейіне жоғары баға берді:
"Бұл мен жұмыс істеген ең үздік ұжымдардың бірі. Мен әрқашан командадағы ынтымақтастық пен тәртіпті бірінші орынға қоямын."
Сонымен қатар, қаңтарда көбірек ойын практикасын іздеп, басқа клубқа ауысқысы келетін бірнеше футболшы бар екенін, олармен келіссөздер жүріп жатқанын жасырмады.
“Хартс” командасы қазіргі таңда 41 ұпаймен Шотландия лигасының көшін бастап тұр.
Біздің серіктес: FONBET