«Ювентустің» бас бапкері Массимилиано Аллегри мен жас жартылай қорғаушысы Поль Погба допты қиялай тебуден жарысты.
«Кәрі сеньораның» жаттығуында хавбек пен бапкер арасында ерекше сайыс өтті. Допты кішкентай қақпаға қия соққы арқылы енгізу қажет. Оның үстіне, доп қақпаның ішінде кірерде әуеде болуы қажет, яғни жерге тимеуі тиіс. Бұл сайыста бас бапкер Аллегридің мерейі үстем болып, үлкен басымдықпен жеңіске жетті. Ал Погбаның бұған айтар сылтауы да табылды: «Ол бас бапкер ғой – оны жеңе алмаймын».