Корона жаңалықтар. Италия жағдайы қиындап тұр

Франциядағы "Монпелье" командасының ойыншысы Джуниор Самбиа коронавирус жұқтырып, қазір ауыр жағдайда жатыр. 23 жасар жартылайқорғаушы тыныс алу және ас қорыту мәселесінде қиындықтар көріп жатқандықтан дәрігерлер оны реанимация бөліміне ауыстырыпты. "Бордо" командасы 26 мың еуро ақша жинап жасанды тыныс алу аппараттарын сатып алу үшін жергілікті ауруханаға бар қаржыны табыстады. Ал "Сент Этьен" командасының ойыншысы Янн М`Вила 15 мың маска сатып алып, қаладағы ауруханаларға таратты.

"Наполи" шабуылшысы Ыдырыс Мертенс "Барселонаға" қарсы ойында алаңға киіп шыққан жейдесін сатып, содан түскен қаржыны Феррара-Каннаварро қайырымдылық қорына өткізеді. Мертенс "Барсаға" қарсы ойынында 121-голын соққан болатын. Каннаваро-Феррара қайырымдылық қоры Неаполь қаласындағы ірі қорға айналып кеткен.

УЕФА еуропалық ассосацияларға 25 мамырға дейін уақыт береді. Осы мезгілге дейін олар ішкі біріншіліктердің өту-өтпеуін хабарлауы тиіс. АПЛ басшысы ауысты. Клаудио Анридің орнын енді Гарри Хоффман басады. Айтпақшы, ағылшын премьер-лигасының тәртіптік қадағалау комиссиясы "Тоттенхэм" ойыншысы Эрик Дайердің "Норвичке" қарсы ойынынан кейінгі іс-әрекеті үшін жауап беруін өтінді. Футболшы трибунада отырған фанатпен ерегесіп, тіпті жұдырық жұмсағысы келген. Алайда, стюардттар арашалап жіберді.

Испанияның Новарра аймағының соты тергеу жұмыстарынан кейін келісілген матч ойнаған адамдарды жазаға тартты. Даудың ортасында "Осасуна" клубы. Жауапқа тартылған 11 адамның 9-ы сотталды. "Осасуна" клубының бұрынғы басшысы Анхель Мария Бисакка 8 жыл бас бостандығынан айырылды. Сонымен қатар, экс-футболшылар Антонио Амайя мен Хавьер Торрестер де бас бостандықтарынан айырылады. Олар кезінде "Бетис" сапында ойнаған. Мадридтің "Реалы" 4-мамыр күні жаттығу жұмыстарын бастайтын болды. Алайда, оның алдында барлық қызметкерлер және футболшылар коронавирус тестінен өтуі тиіс.

"Бавария" "Шалькенің" қақпашысы Александр Ньюбелмен келісімге келді. Ал жартылай қорғаушы Филипе Коутиньо оң аяғына ота жасап, енді 2 аптадан соң жаттығу жұмыстарына кірісе алады. Италия футболы біріншіліктің соңғы туры 2-тамызға дейін ойналуы тиіс деп қаулы шығарды. Ал Латвияда футболшылар билікке қарсы шығып, чемпионатты жалғастырайық деп талап қойды.