ҚПЛ ең үздік лигалар қатарына енді
Еуропалық Opta Analyst порталы әлемдегі ең мықты футбол лигаларының жаңартылған рейтингін жариялады, деп хабарлайды Aladop.kz.
Қуантарлық жайт — Қазақстан Премьер лигасы әлемдік аренадағы өз орнын нығайтып, үздік 80 біріншіліктің қатарынан табылды.
Рейтинг қалай жасалды?
Opta Analyst сарапшылары әлемдегі барлық лигаларды алты аймақтық ассоциацияға бөліп қарастырды:
• УЕФА (Еуропа)
• АФК (Азия)
• КОНМЕБОЛ (Оңтүстік Америка)
• КАФ (Африка)
• КОНКАКАФ (Солтүстік және Орталық Америка)
• ОФК (Океания)
Ең үлкен бәсекелестік УЕФА аймағында байқалды. Еуропалық тізімге түрлі деңгейдегі барлығы 444 лига енген. Осындай жоғары бәсекелестік жағдайында Қазақстан чемпионаты жоғары орын алды.
Соңғы мәліметтер бойынша, Қазақстан Премьер лигасы әлемдік рейтингте 74-орынға тұрақтады. Бұл көрсеткіш еліміздегі футбол деңгейінің біртіндеп өсіп келе жатқанын, сондай-ақ клубтарымыздың халықаралық аренадағы нәтижелері мен ішкі біріншіліктің тартыстылығын көрсетеді.
Біздің серіктес: FONBET