“Қызылжардағы” дағдарыс – Бапкерлердің наразылығы және кадрлық тазарту
Солтүстік Қазақстандық ұжымның айналасындағы соңғы жаңалықтар жанкүйерлер мен мамандардың алаңдаушылығын туғызуда, де хабарлайды Aladop.kz.
Клубтағы басшылықтың ауысуы мен жаңа реформалар бірқатар түйткілді мәселелердің бетін ашты.
ЖаркOFF телеграм арнасының мәліметінше, Петропавлдық ұжымның ішкі жағдайы ушығып тұр. Клубтағы кадрлық ауыс-түйістер мен қаржылық теңсіздіктер футбол орталығының жұмысына кедергі келтіруі мүмкін.
Балалар бапкерлері жұмыстан кетпек пе?
Клубтың футбол орталығында үлкен кадр тапшылығы туындауы мүмкін. Мәліметтерге қарағанда, балалар бапкерлері жаңа келісімшарттарына қол қоюдан бас тартып отыр. Наразылықтың басты себебі — төмен жалақы. Қазіргі таңда балалар футболы мамандарының еңбекақысы небәрі 200-300 мың теңге көлемінде, ал клуб басшылығы бұл соманы көтеруді жоспарлап отырған жоқ.
Әкімшілік құрамдағы тазарту
Сонымен қатар, "Қызылжарда" ескі әкімшілік құрамды жаппай жұмыстан шығару процесі жүріп жатыр. Клубтың бұрынғы директоры Николай Паниннің кезінде таныстықпен келген қызметкерлер орындарынан босатылуда. Алайда, бұл жағдай әділдік орнады дегенді білдірмейді.
Инсайдерлердің хабарлауынша:
• Босаған орындарға бас менеджер Әлішер Әпсалямовтың адамдары келуде.
• Жаңа қызметкерлердің жалақысы бұрынғылардан кем емес, тіпті кей жағдайларда жоғары болуы мүмкін.
• Қаржылық ресурстар бапкерлердің айлығын өсіруге емес, жаңа әкімшілік топты ұстауға бағытталғандай.
Агенттік мүдде және қысқы трансферлер
Клубтағы өзгерістер тек кеңсемен шектелмейді. Қысқы трансфер кезеңінде "Қызылжар" құрамына Әпсалямов жетекшілік ететін агенттік кеңсеге тиесілі футболшылардың жаппай келуі күтілуде.
Жаңа әнші, ескі әуен деген сарындағы бұл өзгерістер клубтың болашағына қатысты сұрақтарды көбейтуде. Балалар футболына көңіл бөлінбеуі және ішкі мүдделер қақтығысы Петропавлдық клубтың дамуына кері әсерін тигізуі мүмкін.
Біздің серіктес: FONBET