Англия Кубогінің финалында "Лестер Сити" "Челсиді" жеңді. Кездесу Лондондағы "Уэмбли" стадионында өтіп, 1:0 есебімен аяқталды. "Түлкілер" тарихында алғаш рет Англия Кубогін жеңіп алды.
Жалғыз голды 63-минутта Юри Тилеманс соқты. Люк Томас алаңның ортасында тосқауыл жасап, допты тартып алды, содан кейін айып алаңына жақын орналасқан Тилемансқа пас берді - бельгиялық футболшы алыстан тамаша соққы жасап, командасына жеңіс сыйлады.
90-минутта "Челсидің" қорғаушысы Бенджамин Чилуэлл гол соқты, бірақ VAR бұл голдың офсайдтан соғылғанын анықтады.
Бүгінгі күнге дейін "Лестер Сити" Англия Кубогінің финалында төрт рет ойнады, бірақ бұл трофейді бастарынан жоғары көтере алмады (1949, 1961, 1963, 1969). "Челси" бұл турнирде сегіз рет топ жарған, жалпы 14 рет финалда ойнаған. Айта кетейік, лондондық клуб өткен жылы да Англия Кубогінің финалында "Арсеналға" есе жіберген еді (2:1).
Біздің серіктес: FONBET