Месси ақыры өзі аттас әйгілі поп-әншісімен кездесті. "Аргентина" құрамасының жұлдызы Лионель Мессиді анасы әйгілі әнші Лайонел Ричидің құрметіне солай атапты.
Мессидің анасы Селия Куччиттини — "Dancing on the Ceiling” хитінің авторы Ричидің үлкен жанкүйері. Сондықтан ұлын Лионель деп атауды жөн көрген.
Таңғаларлығы — осы уақытқа дейін Месси мен Ричи бір-бірімен ешқашан кездескен емес.
Лайонел Ричи әлеуметтік желіде Мессимен кездескен сәтінен бірнеше сурет жариялады. Екеуі де жылы жүзбен қол алысып, әңгіме-дүкен құрған.
Ричи өзінің қуанышын былай жеткізді:
"Лайонел Лайонелмен кездесті! Анасы оны менің атыммен атаған… енді міне, біз бірге тұрмыз. Сенімен кездескеніме өте қуаныштымын!"
Айболат Өнер
Біздің серіктес: FONBET