"Барселонаның" 33 жастағы аргентиналық шабуылшысы Лионель Месси Испания чемпионатының 15-турында "Вальядолидпен" болған матчта (3:0) айтарлықтай статистикалық жетістікке қол жеткізді.
Squawka Twitter-де хабарлағандай, Лионель Месси кездесудің 65-минутында "Валядолид" қақпасына гол соғып, бір клубтағы голдар саны бойынша аты аңызға айналған бразилиялық Пеленің рекордынан озып кетті. Қазіргі сәтте 33 жастағы аргентиналық ойыншының еншісінде 644 гол бар, ал Пеле 643 гол соққан.
"Мен футбол ойнай бастаған кезде мұндай рекордты бұзамын деп ешқашан ойлаған емеспін. Оның үстіне бұл рекордты Пеленің өзі орнатқан. Осы жылдар ішінде маған көмектескендердің барлығына - командаластарыма, отбасыма, достарыма және мені күн сайын қолдайтындардың барлығына алғыс айтамын", - деді Месси өзінің Instagram парақшасында.
Еске салайық, 1956 жылдан 1974 жылға дейін Пеле өз "Сантос" сапында ойнады, содан кейін ол екі маусымды АҚШ-та, "Нью-Йорк Космос" клубында өткізді.
2020/2021 жылғы маусымда Лионель Месси барлық турнирлерде "Барселона" үшін 18 кездесуге қатысып, 10 гол соқты, 5 нәтижелі пас берді.
Біздің серіктес: FONBET