"Пари Сен-Жерменнің" шабуылшысы Лионель Месси "Интер Майами" клубымен келіссөздер жүргізуде, деп хабарлайды Mirror.
Дереккөздің хабарлауынша, америкалық клубтың қожайыны Дэвид Бекхэм аргентиналық футболшы мансабын аяқтағанға дейін өзінің командасында ойнағанын қалайды. Бекхэмнің жеке өзі Лионельмен келіссөздер жүргізген екен. Ал Мессидің өзі жақында Майамиден үй сатып алды деген ақпарат бар.
Месси "Барселона" сапында 2005 жылдан бері ойнады. Оның каталондық клубпен келісім-шарты маусым айының соңында аяқталды. 10 тамыз күні Лионель ПСЖ ойыншысы атанды, клубпен екі жылдық келісім-шартқа отырды. Бірақ Месси француз клубында әлі дебют жасаған жоқ.
Біздің серіктес: FONBET