Әліптің клубы бапкеріне байланысты шешім қабылдады
Сергей Семак "Зенитпен" арадағы келісімшартын 2030-жылдың мамырына дейін созады.
Бұл туралы питерлік клубтың директорлар кеңесінің төрайымы Елена Илюхина мәлімдеген болатын.
"Сергей Богданұлымен келісімшартты тағы бес жылға созу туралы уағдаласып қойдық яғни 2030-жылдың мамырына дейін. Жаңа маусым басына дейін келісімшартқа қол қойылады"- деген еді Е. Илюхина.
Айта кетейік, Сергей Семак Санкт-Петерборлық команданы 2018-жылдан жаттықтырып келеді. Ал 2022-жылы"Қайраттан" "Зенит" сапына Қазақстан құрамасының қорғаушысы Нұралы Әліп ауысқан болатын. Сол кезде питерлік клубтың Әліп үшін 2 миллион еуро төлегенін қоса кетейік. Футболшы мен клуб арасындағы келісімшарт 2025-жылдың 30-маусымына дейін. РПЛ-дің осы маусымында Н. Әліп 16 кездесуге қатысып, 4 сары қағаз алған.
Біздің серіктес: FONBET