«Ливерпуль» ресми сайтында төрт ойыншының командадан кеткенін хабарлады.
Мерсисайдтық клуб сапында 2016 жылдан бері ойнап жүрген қақпашы Лорис Кариус, сондай-ақ командаға 2014 жылы қосылған шабуылшы Дивок Ориги мансабын басқа командада жалғастырады.
Сондай-ақ өткен маусымда басқа командаларда жалдау шарты бойынша өнер көрсеткен Шея Оджо мен Бен Вудбёрн де «Ливерпульден» кетеді.
Жоғарыда аталған ойыншылардың барлығы «Ливерпульден» еркін агент ретінде кетті - олардың клубпен келісім-шарттары маусым айының соңында аяқталады.
Дивок Ориги «Ливерпуль» жейдесінде 175 ойынға қатысып, 41 гол соқты. Лорис Кариустың 49 ойында 47 гол жіберіп алған.
Біздің серіктес: FONBET