«Ливерпуль» жақын күндері «Бенфика» шабуылшысы Дарвин Нуньеспен келісім-шартқа отырады, деп хабарлайды белгілі инсайдер Фабрицио Романо.
Дереккөздің мәліметіне сенсек, бүгін Португалияда қос команда өкілдерінің арасында кездесу өткен. Нәтижесінде «Ливерпуль» «Бенфикаға» уругвайлық шабуылшы үшін 80 + 20 миллион еуро төлеуге міндеттелді. Нуньес мерсисайдтық клубпен бес жылдық келісім-шартқа отырады.
Қазір Уругвай құрамасымен бірге жүрген Дарвин жақын күндері «Ливерпульдің» жаңа ойыншысы ретінде таныстырылады.
2021/22 жылғы маусымда Нуньес «Бенфика» үшін 41 матчта 34 гол соғып, 4 нәтижелі пас берді. Уругвайлық футболшы Чемпиондар лигасының ширек финалында «Ливерпуль» қақпасынан екі рет саңылау тапқан болатын.
Біздің серіктес: FONBET