Магомед Адиев Ұлттық құрамадағы болашағы жайлы айтты
Грозныйдың «Ахматы» мен Қазақстан Ұлттық құрама командасының бас бапкері Магомед Адиев өзінің жоспарларымен бөлісті.
Ресейлік маман «Матч ТВ» арнасына берген сұхбатында сондай-ақ, Қазақстан құрамасымен арадағы келісімшартын ұзарту жөнінде де әңгіме болғанын жеткізген.
«Әзірге менің келісімшарттарым туралы айту ерте. Маусым соңына дейін «Ахматтамын» және жыл соңына дейін Қазақстан федерациясымен келісімшартым бар. Басты мәселе - «Ахматты» премьер-лигада алып қалу болып отыр. Тек осыдан кейін қандай да бір шешім қабылдауға болады. Қазақстан құрамасымен келісімшартты ұзарту туралы сөз қозғалған. Алайда, қазір оны талқылау қиын», – деді Магомед Адиев. Естеріңізге сала кетейік, «Ахмат» қазір РПЛ-де 15-сатыға жайғасқан. Грозныйлық команда 24 кездесуде 23 ұпай жиған. Магомед Адиевтің клубы келесі матчын «Сочиге» қарсы өткізбек. Бұл бәсеке сәуірдің 25-де болады.
Біздің серіктес: FONBET