Махаббат пен адалдықтың 39 жылы – Жан-Пьер Адамстың қайғылы тағдыры
1970-жылдары Франция футболының аспанында Жан-Пьер Адамс есімді жұлдыз жарқырап тұрды. Ол "ПСЖ", "Ницца" сияқты алпауыт клубтарда ойнап, ұлттық құраманың қорғанысын бекемдеген мықты футболшы еді.
Алайда, 1982 жылы болған бір ғана медициналық қателік оның өмірін де, футболдағы мансабын да күл-талқан етті.
Тағдырды өзгерткен ота
Тізесіндегі жеңіл жарақатты емдету үшін ауруханаға барған Адамсқа анестезия беру кезінде қателік кетті. Соның салдарынан футболшының миына оттегі жетпей қалып, ол терең комаға түсті. Дәрігерлер үміт жоқ деді, бірақ оның жары Бернадетт бұл шешіммен келіспеді.
"Мен оның тыныс алғанын сеземін"
Көптеген адамдар оны арнайы мекемеге өткізуді немесе өмірді қолдау аппаратынан ажыратуды ұсынды. Бірақ Бернадетт өз сертіне адал болды.
Ол 39 жыл бойы күйеуін өз қолымен тамақтандырып, жуындырып, киіндірді.
Бернадетт Жан-Пьермен күн сайын сөйлесетін. Ол күйеуінің бәрін сезетініне, тіпті иістерді ажырататынына сенді. Оның үйінде әрдайым теледидар қосулы тұратын немесе музыка ойнап тұратын.
"Ол ештеңе айта алмаса да, мен оның қасымда екенін сезіндім. Ол менің өмірім еді," — дейтін Бернадетт сұхбаттарында.
Ұлы махаббаттың соңғы нүктесі
Бернадетт күйеуін бір сәт те жалғыз қалдырмады. Бұл күрес 2021 жылға дейін жалғасты. Жан-Пьер Адамс 39 жылға созылған ұйқыдан оянбастан, осы дүниеден озды.
Біздің серіктес: FONBET