«Астана» Қазақстан Чемпионатының 15-ші туры аясында «Оқжетпесті» 5:1 есебімен тас-талқан етті. Ойын соңында елордалық команданың жартылай қорғаушысы Макс Эбонг кездесу туралы пікірімен бөлісті:
- Маңызды жеңіске қол жеткіздік. Бұл бізге алдағы ойындар алдындағы шиеленісті азайтуға көместесуі тиіс!
- Андрей Тихонов бастаған бапкерлер құрамы бір аптадан астам уақыт бойы командамен жұмыс жасап жатыр. Оның жаттығу барысын қалай бағалайсыз?
- Әр бапкердің футболға деген өзіндік көзқарасы бар, Андрей Вальеревич те сол қатардан. Ол жаттығу барысына өзгеріс енгізіп, біздің ойынымызды өзгертуге тырысып жатыр. Біздің міндетіміз - бапкерлер құрамының талаптарын орындау және әр ойында барынша күш салу.
- Алда чемпиондық интриганы қайта тірілтетін немесе түбегейлі өлтіретін «Қайратқа» қарсы маңызды ойын. Қалай ойлайсыз, «Астана» әлі де талас жүргізуге дайын ба?
- Мен болжам жасағым келмейді, бәрін жұма күнгі ойында көреміз! Біз алаңға шығып, нәтижеге жету үшін бар күшімізді аямауға тиіспіз.
Біздің серіктес: FONBET