Максим Самородов "Спартакқа" ауыса ма? – "Ахматтың” жауабы белгілі болды
"Ахмат" клубының өкілі Руслан Газзаев Қазақстандық шабуылшы Максим Самородовтың Мәскеулік "Спартак" сапына ауысуы мүмкін екендігі туралы айтып берді, деп хабарлайды Aladop.kz.
Оның мәлімдеуінше, қазіргі уақытта екі клуб арасында келіссөздер жүріп жатқан жоқ, бірақ мұндай талқылаулар бұған дейін болған.
Газзаев трансфердің осы уақытқа дейін жүзеге аспауының бірнеше себебі бар екенін атап өтті. Дегенмен, клуб басшылығы жазғы немесе қысқы трансферлік терезеде футболшының ауысуы бойынша ортақ мәмілеге келуге дайын екенін жеткізді.
"Егер "Спартак" келіссөздерді қайта бастағысы келсе, клубтардың өзара келісімге келіп, ортақ шешім табатынына сенімдімін." — деді Газзаев.
Осылайша, Самородовтың Мәскеулік клубқа ауысу мәселесі әлі де толық жабылған жоқ.
Біздің серіктес: FONBET