УЕФА Чемпиондар лигасының жартылай финалындағы алғашқы ойында «Манчестер Сити» өз алаңында мадридтік «Реалды» қабылдады. Манчестер қаласындағы (Англия) «Этихад» стадионында өткен кездесу 4:3 есебімен алаң иелерінің пайдасына аяқталды.
Матчтың 2-минутында «Манчестер Ситидің» жартылай қорғаушысы Кевин Де Брюйне есеп ашты. 11-минутта шабуылшы Габриэль Жезус алаң иелерінің есептегі басымдығын нығайта түсті. 33-минутта «Реалдың» шабуылшысы Карим Бензема бір голмен жауап қатты.
Екінші таймда «Манчестер Ситидің» ойыншысы Фил Фоден командасының үшінші голын соқты. Екі минуттан соң мадридтік клубтың шабуылшысы Винисиус мергендік танытты. 74-минутта жартылай қорғаушысы Бернарду Сильва «Реалдың» қақпасына төртінші голды соқты. Ал 82-минутта Бензема пенальтиді сәтті орындап, есепті 4:3-ке жеткізді.
Қос команда арасындағы жауапты ойын 4 мамырда Мадридте (Испания) өтеді.
Біздің серіктес: FONBET