УЕФА Еуропа Лигасының жартылай финалындағы екінші ойында "Рома" өз алаңында "Манчестер Юнайтедті" қабылдады. Кездесу Рим қаласындағы "Олимпико" стадионында (Италия) өтіп, 3:2 есебімен аяқталды. Матчта Германиядан келген Феликс Брих бастаған төрешілер тобы қызмет етті.
Есепті 39-минутта "Манчестер Юнайтедің" шабуылшысы Эдинсон Кавани ашты. 57-минутта Рома Эдин Джеконың арқасында есепті теңестірді, ал үш минуттан кейін Бриан Кристанте гол соқты. 68-минутта Эдинсон Кавани дубль жасап, есепті теңестірді. Бірақ кездесудегі соңғы сөз алаң иелерінде қалды, 83-минутта Никола Залевский ерекшеленді.
Командалардың алғашқы кездесуі Манчестердегі (Англия) "Олд Траффорд" стадионында өтіп, 6:2 есебімен "Манчестер Юнайтедтің" жеңісімен аяқталған еді. Осылайша, "қызыл сойқандар" қарымта ойында жеңілгеніне қарамастан, қос матчтың нәтижесі бойынша 8:5 есебімен жеңіске жетіп, Еуропа Лигасының финалына жолдама алды.
УЕФА Еуропа Лигасының екінші жартылай финалдық ойынында "Арсенал" өз алаңында "Вильярреалды" қабылдады. Кездесу Лондондағы (Англия) "Эмирейтс" стадионында өтіп, 0:0 есебімен аяқталды.
Командалардың бірнеше жақсы мүмкіндіктері болды, бірақ кейбір сәттерде оларға сәттілік жетіспеді, ал кейбіреулерінде қақпашылар жоғары деңгейде ойын көрсетті. 79-минутта Обамеянг "Арсеналды" алға шығаруы мүмкін, бірақ "Вильярреал" қақпасын бағана құтқарды.
Кездесуде Славко Винчич бастаған Словениядан келген төрешілер тобы қызмет етті.
УЕФА Еуропа Лигасының жартылай финалындағы алғашқы матчта "Арсеналды" 2:1 есебімен жеңген "Вильярреал" финалға жолдама алды.
Біздің серіктес: FONBET