"Атырауға" қарсы матчта Марин Томасов "Астана" соққан алты голдың төртеуіне өз үлесін қосты, яғни 4 нәтижелі пастың авторы атанды.
Томасов осылайша елордалық клубтың бұрынғы футболшысы Фокси Кетевоамның рекордын қайталай алды, ол 2015 жылы өз алаңында семейлік "Спартакка" қарсы ойында командаластарына 4 гол соғуға мүмкіндік жасап берген еді.
Сонымен қатар, елордалық клубтың тарихында бір матчта үш нәтижелі пас берген ойыншылар да бар. Мұндай нәтижеге алғаш болып "Астана" командасының қазіргі бас бапкері Андрей Тихонов 2009 жылы наурызда "Қазақмыс" командасына қарсы өткізген клубтағы алғашқы ойынында қол жеткізді. Ойын 4:3 есебімен аяқталып, Александр Шатских, Ренат Абдулин және Данияр Хасенов Тихоновтың пасын өз пайдаларына жаратты.
Содан кейін бұл көрсеткішті 2015 жылы Фокси Кетевоама қайталап берді, ол кезде Неманья Максимович, Бауыржан Джолчиев және Танат Нусербаев африкалық футболшының көмегімен "Қайрат" қақпасына гол соққан болатын. Ойын 4:3 есебімен "Астананың" пайдасына аяқталды.
2016 жылғы маусымда бұл нәтиже тағы екі рет қайталанды. Премьер-лига матчында Дмитрий Шомко Патрик Твумасиге (екі рет) және Азат Нұрғалиевке нәтижелі пас шығарып, "Оқжетпесті" 3:0 есебімен жеңуге көмектесті.
Сәл кейінірек "Астана" Қазақстан Кубогінің жартылай финалында "Ертісті" 5:3 есебімен жеңді, ал Патрик Твумаси үш нәтижелі пасты өз еншісіне жазды.
Біздің серіктес: FONBET